السبت، 19 ديسمبر 2015

طريقة عمل اللانشون فى البيت صحي ولذيذ

طريقة عمل اللانشون فى المنزل

لانشون فى البيت صحي

يعتبر اللانشون الوجبه المفضله للكبار وخاصة الصغار وذلك لتوفرة فى العديد من المحلات ولرخص ثمنه . فى الحقيقة ربما يكون هناك اضرار للانشون الذي نقوم بشراءه لأن بعض الشركات تضع مواد مسرطنه وسامه فى عملية تصنيعه خاصة , الشركات التي تحمل اسم جديد وغير مصرح لها بذلك من وزارة الصحة وليس لها شركه رسمية يتم مراقبه عملها من الجهات المختصة .

لذلك سوف نتطرق إلي طريقة صحية لصنع اللانشون فى المنزل ..... تابعي معي 

- أحضري المقادير التالية وضعيها أمامك :

المقادير هي :
  •  1/2 كيلو لحم فراخ يعني حوالي 3 صدور دجاج 
  • بقسماط مطحون
  • بيضه واحده 
  • ملعقة بابريكا 
  • ملعقة صغيرة كمون
  • ملعقة صغيرة فلفل أسود
  • 3 فصوص من الثوم
وتجيبي حوالي 1/2 كوباية زيتون مخلي وورق لوري علشان يدي نكهه ورائحه للانشون 

بعد كده نيجي لطريقة التحضير:

ضيفي كل المكونات السابقة بدون الزيتون وورق اللوري فى الخلاط وتضربيهم لحد ما تلاقيها ناعمة بعدين تشييلها من من الخلاط وتعجنيها بأيدك لما تبقي متماسكه وتحطي عليها الزيتون المخلي وده أختياري يعني على حسب رغبتك. 

نيجي بقي لأهم خطوة وهي لف العجينة تجيبي ورق فويل اللى هو (ورق القصدير) تضعي بداخله العجينة وتلفيه وتقفليه من الطرفين كويس جدا علشان الهواء والمايه اللى هنغليه فيها ما يبوظش العجينه وتعفن ويبقى تعبنا راح على الفاضي . وممكن فبل ما تلفيها فى ورق الفويل تلفيها فى ورق مطبخ وبعدين نلفها تانى فى ورق الفويل علشان ورق الفويل ما يبقاش ملامس للعجينه لأن ليه أضرار

نضع قدر من الماء على النار ونضع فيه ملح وفلفل وورق اللوري ونضع لفة اللانشوف اللى عملناها فى الماء ونتركها حتي تغلي ثم بعد الغليان نترك اللانشون على نار هادئة حتي ينضج حوالي ساعة نطفي عليه ونخرجه ونسيبه لحد ما يبرد .

وبكده تبقي عملتي لانشون طعمه رائع جدا وصحي ويتم تقديمه على مائدة الطعام أو عمله فى ساندوتشات للأطفال أثناء المدارس وألف هنا 

تقديم دندشة 
لو عجبك الموضوع ياريت تعليق ورأيك يهمنا :) ما تنسوش مشاركة الموضوع على مواقع التواصل من الأيقونات فى الأسفل  ...

0 التعليقات

إرسال تعليق